ŞOK! İstanbulda polislər azərbaycanlı qadını zorlayıb!

İstanbulda əxlaq polisinin 4 əməkdaşı 32 yaşlı azərbaycanlı qadına təcavüz edib.

Lent.az-ın “Axşam” qəzetinə istinadən verdiyi məlumata görə, ötən gecə İstanbulun Avçılar məhəlləsindəki “Ocaqbaşı” barına gələn əxlaq polisləri 11 nəfəri mikroavtobusa dolduraraq, naməlum istiqamətə aparıblar. Onların arasında barın müştəriləri və xarici ölkə vətəndaşı olan qadınlar da olub.

Bar sahibindən 600 dollar alan polislər yolda apardıqları şəxslərdən 10 nəfərini buraxıblar. Mikroavtobusda 32 yaşlı azərbaycanlı A.Ş. qalıb. Mikroavtobus Çatalçada meşəyə istiqamətlənib. Meşədə 4 polis növbə ilə onu zorlayıb.

Olay bununla da yekunlaşmayıb. Səhər polislər qadını başqa yerə apararaq, yenə təcavüz ediblər. Polislərin əlindən qaçan A.Ş. və digər zərərçəkənlər, o cümlədən bar sahibi İstanbul Polis İdarəsinə müraciət ediblər. Olay şok effekti doğurub.

Prokurorluğun orderi ilə polislər həbs olunub. Azərbaycanlı qadını zorlayan polislərdən birinin adı Ali Keserdir. Polislərin olay zamanı sərxoş olduqları üzə çıxıb.

Araşdırma aparılır.