Hərbçilərimizi daşıyan maşın qəzaya uğrayıb
25 oktyabr 2010 13:10 (UTC +04:00)

Hərbçilərimizi daşıyan maşın qəzaya uğrayıb

Azərbaycanda əsgərləri daşıyan yük maşını qəzaya uğrayıb. APA-nın məlumatına görə, hadisə dünən Müdafiə Nazirliyinin Gəncədə yerləşən “N” saylı hərbi hissəsinin əsgərləri poliqondan qayıdan zaman qeydə alınıb. Əsgərləri daşıyan yük maşınının aşması nəticəsində bir neçə hərbçi xəsarət alıb. Onlardan birinin vəziyyəti ağır qiymətləndirilir.

Müdafiə Nazirliyinin mətbuat xidmətinin rəis müavini Teymur Abdullayev APA-ya açıqlamasında faktı təsdiqləyib. Onun sözlərinə görə, hadisə oktyabrın 24-də, saat 12.25 radələrində, Samux rayonunun Alabaşlı kəndi ərazisində qeydə alınıb. Qəzanın ehtiyatsızlıqdan baş verdiyini vurğulayan T. Abdullayev nəticədə 9 əsgərin müxtəlif bədən xəsarətləri aldığını qeyd edib.
# 509

Oxşar yazılar