Bakıda qanlı ailə dramı

Azərbaycan paytaxtında dəhşətli qətl törədilib. Bu barədə APA-ya Bakı şəhər Prokurorluğundan bildirilib.

Hadisə ötən gecə Bakının Xəzər rayonunda qeydə alınıb. Binə qəsəbə sakini Rövşən Əsədullayev ailə münaqişəsi zəminində həyat yoldaşı Kəmalə Zərbəliyevanı və qayınanası Zərxanım Zərbəliyevanı bıçaqlayıb. K. Zərbəliyava aldığı çoxsaylı bıçaq xəsarətlərindən yerindəcə dünyasını dəyişib. Z. Zərbəliyeva isə ağır vəziyyətdə xəstəxanaya yerləşdirilib. Hadisəni törədən R. Əsədullayev daha sonra özünə xəsarət yetirib. Hazırda o, xəstəxanada polis nəzarəti altındadır.

Faktla bağlı Xəzər rayon Prokurorluğu tərəfindən Cinayət Məcəlləsinin 120.1-ci və 29, 120.2.7-ci maddələri ilə cinayət işi başlanıb, istintaq aparılır.