Sirkdə dəhşət! Şir təlimçiyə hücum etdi - FOTO

Hadisədən dərhal sonra tamaşaçılar sirkdən çıxarılıb. Bu zaman şirlərdən biri maneəni dəf edərək çölə çıxıb. Amma onun qarşısı vaxtında alınıb və o, qəfəsə qaytarılıb. Təlimçilər bildiriblər ki, hücum truppanın “əsas” şiri tərəfindən edilib. “Persey” adlı şir bir neçə dəfə təlimçi Aleksey Pinkoya hücum edib. Ona digər şir də qoşulub.

Şirin hücumunun qarşısını ancaq yanğınsöndürənlər vasitəsilə vurulan su, eləcə də nizələrlə almaq mümkün olub. Buna baxmayaraq, şir təlimçinin qolunu, ayağını və qarnını parçalayıb.

Zalda dəhşətli anlar yaşanıb. Uşaqlar və qadınlar qışqırmağa başlayıblar. Bəziləri çıxışa tərəf qaçsalar da, digərləri qorxudan sirkin ən yuxarı hissəsinə tərəf qaçıb.

Həkimlər təlimçinin vəziyyətinin normallaşdığını və onun həyatına təhlükə olmadığını bildirirlər.