Xaçmazda 3 yaşlı uşaqda heyrətamiz istedad

O, xəritədə əksər ölkələrin yerini bilir

3 yaşlı uşaqdan nə gözləmək olar? Xaçmazın Üçkün kəndində yaşayan, hələ yeməyini belə özü yeyə bilməyən 3 yaşlı Turan Dadaşov dünyanın siyasi xəritəsində dünyanın əksər ölkələrinin yerini bilir. Lent.az-ın verdiyi məlumata görə, Turana istənilən ölkənin adı söyləmək kifayətdir ki, həmin ölkəni xəritədə göstərsin. Yalnız bir ölkədən başqa - Ermənistanın harada olduğunu soruşanda Turan susur. Yəqin o da hazırda Ermənistanın yerləşdiyi ərazinin vaxtilə qədim Azərbaycan torpaqları olduğunu yaxşı bilir. Turana xəritəni xalası Pünhan öyrədib. Özü də 2 yaşında olarkən. Düz bir ildir ki, balaca Turan vaxtının böyük bir hissəsini xəritənin qarşısında keçirir.

Hələ ki Turanın bir xəritəsi var. Atası Yalçın deyir ki, oğluna coğrafiyaya aid yeni dərs vəsaitləri alacaq.

Vəli Turan