Qubada qayın yeznəni bıçaqladı

Quba rayonunda bıçaqlanma hadisəsi qeydə alınıb.

Quba rayon İkinci Nügədi kənd sakini, 29 yaşlı Tural Süleymanov yeznəsi, 33 yaşlı Namiz Qəhrəman oğlu Bəşirova qarın nahiyəsindən 4 bıçaq zərbəsi vurub.

Xəsarət alan şəxs dərhal xəstəxanaya yerləşdirilib. Quba rayon Polis Şöbəsindən Lent.az-a verilən məlumata görə, hadisəni törədən şəxs Polis Şöbəsinə gələrək könüllü təslim olub. Hadisənin səbəbinə gəlincə, bildcirilib ki, N.Bəşirov gecə yarısı arvadını 7 aylıq körpəsi ilə birlikdə evindən qovub. Qadın körpəsilə birlikdə ata evinə gedib.

Bundan sonra Tural Süleymanov yeznəsinə zəng vuraraq onu yaxınlıqda yerləşən şadlıq evinin həyətinə çağırıb və məsələyə aydınlıq gətirməsini istəyib. Görüş zamanı Tural aralarında yaranan münaqişə zamanı yeznəsini bıçalayıb.

Faktla bağlı Quba Rayon Polis şöbəsində araşdırmalar davam etdirilir.