Qəbələdə silahlı insident, 1 ölü, 1 yaralı
03 iyul 2010 16:00 (UTC +04:00)

Qəbələdə silahlı insident, 1 ölü, 1 yaralı

Rayon sakini dayısı oğlanlarını güllələyib


Azərbaycanın Qəbələ rayonunda silahlı insident baş verib.


Rayon Polis Şöbəsindən APA-ya verilən məlumata görə, hadisə rayonun Tikanlı kəndində bu gün saat 12.00 radələrində qeydə alınıb. Kəndin Dəmirçi bağları adlanan ərazisində Höküməli Yusifov avtomat silahdan atəş açaraq dayısı oğlanları Nizami Quliyevi qətlə yetirib, Şahmurad Quliyevi isə yaralayıb.


Xəsarət alan Ş. Quliyev Qəbələ Mərkəzi Rayon Xəstəxanasına yerləşdirilib. Polis Şöbəsindən o da bildirilib ki, hadisə ilə bağlı istintaq-əməliyyat qrupu işləyir. Cinayəti törədənin saxlanılması istiqamətində zəruri istintaq hərəkətləri aparılır.
1 2 3 4 5 İDMAN XƏBƏRLƏRİ
# 346

Oxşar yazılar