Şəhid əsgərimiz torpağa tapşırıldı
21 iyun 2010 20:00 (UTC +04:00)

Şəhid əsgərimiz torpağa tapşırıldı

Ermənistan Silahlı Qüvvələrinin atəşkəsi pozması nəticəsində Azərbaycan Ordusunun şəhid olan əsgəri Elgün Şükürov bu gün anadan olduğu Cəlilabad rayonunun Muğan kəndində dəfn olunub.


APA-nın cənub bürosunun məlumatına görə, şəhid əsgər Muğan kənd qəbiristanlığında torpağa tapşırılıb.


Dəfn mərasimində Cəlilabad rayon İcra Hakimiyyəti aparatının, Hərbi Komissarlığın, hüquq-mühafizə orqanlarının nümayəndələri və kənd sakinləri iştirak ediblər.


Qeyd edək ki, 1991-ci il təvəllüdlü Elgün Rafiq oğlu Şükürov 2009-cu ilin yanvar ayında Cəlilabad rayon Hərbi Komissarlığından həqiqi hərbi xidmətə çağırılıb. O, iyunun 21-də saat 01.45 radələrində Ermənistan Silahlı Qüvvələrinin Füzuli rayonunun Aşağı Əbdürrəhmanlı kəndi yaxınlığında atəşkəs rejimini pozması nəticəsində şəhid olub.
# 320

Oxşar yazılar