Bakıda Prezident Administrasiyasına bomba qoyulması barədə məlumat verilib

Yalan məlumat verən şəxsin tutulması istiqamətində tədbirlər görülür

Azərbaycan Prezident Administrasiyasına bomba qoyulması barədə məlumat daxil olub.

Bu barədə APA-ya Səbail rayon Polis İdarəsindən məlumat verilib. İyunun 6-da Fövqəladə Hallar Nazirliyinin “112” xidmətinə zəng edən naməlum şəxs Prezident Administrasiyasına partlayıcı qurğu qoyulması barədə məlumat daxil olub. Daxil olan məlumat barədə dərhal lazımi qurumlar və polis məlumatlandırılıb. Lakin aparılan araşdırmalar nəticəsində məlumatın yanlış olduğu üzə çıxıb.

Polis əməkdaşlarının həyata keçirdiyi əməliyyat-axtarış tədbirləri nəticəsində anonim zəngin edildiyi ünvan müəyyənləşib. Hazırda polis yalan məlumat verən şəxsin tutulması istiqamətində tədbirlər həyata keçirir.