Arvadını öldürən gizirə 12 il 6 aylıq həbs cəzası

Mayın 31-də Ağır Cinayətlərə Dair İşlər üzrə Hərbi Məhkəmədə həyat yoldaşını qətlə yetirməkdə təqsirləndirilən hərbi qulluqçunun cinayət işi üzrə məhkəmə prosesi başa çatıb.

Lent.az-ın məlumatına görə, hakim Rafiq Cəfərovun sədrliyi ilə keçirilən prosesdə təqsirləndirilən şəxs, Müdafiə Nazirliyinin “N” saylı hərbi hissəsinin giziri Rahid Orucova hökm oxunub. Hökmə əsasən, R. Orucov 12 il 6 ay müddətinə azadlıqdan məhrum edilib.

İttihama görə, 2009-cu il noyabrın 11-də 1982-ci il təvəllüdlü Rahid Mahmud oğlu Orucov həyat yoldaşı, 1988-ci il təvəllüdlü Pərvanə Ağalar qızı Orucovanı qətlə yetirib. İbtidai istintaqa və məhkəməyə ifadəsində R. Orucov həyat yoldaşını ona xəyanət etdiyinə görə qətlə yetirdiyini bildirib.

Fərid Əkbərov