7 nəfər bədbəxt hadisənin qurbanı olub
26 noyabr 2012 13:24 (UTC +04:00)

7 nəfər bədbəxt hadisənin qurbanı olub

Lent.az-ın daxili İşlər Nazirliyinin mətbuat xidmətinə istinadən verdiyi məlumata görə, Salyan rayon sakini Könül Şəkərova yaşadığı evdə dəm qazından boğularaq ölüb. Bakı şəhərinin Yasamal rayonu ərazisində kirayədə yaşayan İsmayıllı rayon sakini Ramin Əliyev də dəm qazından zəhərlənərək ölüb.

Yevlax şəhəri ərazisində, Goranboy rayon sakini Vaqif Kazımov isə kanalda balıq tutarkən ehtiyatsızlıqdan kanala yıxılıb və suda boğulub.

Qeyd edək ki, noyabrın 25-də saat 08.30 radələrində Xaçmaz rayonunun Seyidli kəndinin dəniz sahilində, Siyəzən rayon sakini Vüsal Ələkbərov suda boğulmuş meyiti tapılıb. Araşdırmalar zamanı V.Ələkbərovun, onun qardaşı Əkbərin, rayon sakinləri Rəsul Səlimovu və Seymur İlyasovu balıq tutmaq üçün qayıqda dənizə çıxmaları müəyyən edilib. Hazırda digər 3 nəfərin axtarışları davam etdirilir.
# 1146

Oxşar yazılar