“Kiş-Miş” restoranlar şəbəkəsinin sahibi öldürüldü - FOTO - YENİLƏNİB

****
23 Oktyabr 2012 13:54

Sankt-Peterburqda “Kiş-Miş” restoranlar şəbəkəsinin sahibi, azərbaycanlı Əfqan Rəsulov polis əməkdaşları ilə atışmada öldürülüb.
APA-nın “Life.ru” saytına istinadən yaydığı məlumata görə, polisə Tver küçəsindəki mənzildə bir qızın zorlandığı barədə məlumat daxil olub. Polislər mənzilə gəldikdə, qapını heç kim açmayıb. Hüquq-mühafizə orqanlarının əməkdaşları qapını sındırmağa cəhd göstəriblər. Bu zaman alaqapıya daxil olan gənc oğlan polislərə atəş açmağa başlayıb. Bu zaman polislərdən biri yaralanıb, cavab atəşi ilə hücum edən şəxs öldürülüb. Onun Sankt-Peterburqda “Kiş-Miş” restoranlar şəbəkəsinin sahibi, azərbaycanlı Əfqan Rəsulov olduğu müəyyənləşib. Polislər qapını sındıraraq ev sahibinin qardaşını həbs ediblər, zorlamaya məruz qalan qız xəstəxanaya göndərilib. Evdən narkotik mənşəli olduğu güman edilən maddə də aşkarlanaraq götürülüb. Faktla bağlı cinayət işi başlanıb.