Bakıda daha bir şagird xəstəxanaya yerləşdirilib
18 oktyabr 2012 16:25 (UTC +04:00)

Bakıda daha bir şagird xəstəxanaya yerləşdirilib

Oktyabrın 17-də Bakı şəhərinin Xətai rayonunda 245 saylı məktəbdə aparılan mantu sınağından sonra halı pisləşən daha bir şagird xəstəxanaya yerləşdirilib. Bakı şəhər Təcili və Təxirəsalınmaz Tibbi Yardım Stansiyasının operativ və hospital işlərinin təşkili şöbəsinin böyük həkimi Zemfira Vahidova Lent.az-a bildirib ki, axşam saatlarında daha bir şagird öz evindən təcili tibbi yardım maşını ilə xəstəxanaya gətirilib.

Qeyd edək ki, 245 saylı orta məktəbin 9-10-cu sinif şagirdlərindən 4 saylı uşaq poliklinikasının əməkdaşları tərəfindən götürülən mantu sınağı zamanı bəzi şagirdlərin halı pisləşib. Şagirdlərdən 7 nəfərinə yerində yardım edilib, 4 nəfər isə 6 saylı Uşaq Klinik Xəstəxanasına yerləşdirilib.

Hazırda 5 şagird xəstəxana şəraitində saxlanılır.

Nizam RZA
# 1760

Oxşar yazılar