“Embawood”un əməkdaşı dəhşətli intihara əl atdı – TƏFƏRRÜAT

Bu gün Bakı şəhərində dəhşətli hadisə baş verib. Hüquq-mühafizə orqanlarından Lent.az-a verilən məlumata görə, Xətai rayon, NZS qəsəbəsi Aşıq Qurban küçəsi ev 21 ünvanında yaşayan 1987-ci il təvəllüdlü Misirxanov Anar Məhəmməd oğlu səhər saatlarında üstünə benzin tökərək özünü yandırıb. Hadisə yerinə 6 saylı Təcili Tibbi Yardım Stansiyasının briqadası gəlib. 25 yaşlı gənc bütün bədəni yanmış halda 5 saylı şəhər xəstəxanasına yerləşdirilib. Həkimlərin səyinə baxmayaraq, A.Misirxanovun həyatını xilas etmək mümkün olmayıb.

Hadisə A.Misirxanovun ailə üzvlərinin gözü önündə baş verib. Gəncin anası hadisədən sarsılıb və ona tibbi yardım göstərilib.

Verilən digər məlumata görə, özünü yandıraraq intihar edən gənc “Embawood” şirkətində işləyirmiş. Faktla əlaqədar araşdırmalar aparılır.

Nizam RZA