Azərbaycanlılar Rusiyada komendant saatına səbəb oldular - FOTO

Lent.az-ın yerli KİV-ə istinadən verdiyi məlumata görə, iki azərbaycanlı - Rövşən Cövziyev və Qoşqar Hüseynov, habelə onların dostları Sergey Zıkov daha bir neçə adamı başlarına yığaraq şəhərin Lenin küçəsindəki “Bulvar” barına basqın ediblər.

Əllərindəki dəmir dəyənəklərlə barı alt-üst edən dəstə bara gedənlərə də xəsarət yetirib. Bir neçə nəfər ağır xəsarət alaraq xəstəxanaya yerləşdirilib.

Hadisə yerinə gələn polis onları sakitləşdirə bilməyib. Kömək üçün OMON-a müraciət edilib. OMON-un hadisə yerinə gəlişindən sonra basqınçıları saxlamaq mümkün olub. Cövziyev, Hüseynov və Zıkov həbs ediliblər.

Hadisənin barı işlədənlərlə düşmənçilik zəminində baş verdiyi məlum olub.

Hadisədən sonra yerli gənclərin qafqazlılara qarşı hücumundan narahat olan hakimiyyət orqanları şəhərdə komendant saatı elan edib. Küçələrdə polis və OMON nəzarəti gücləndirilib.