Türkiyədə bina çökdü: 2 ölü, 17 yaralı - YENİLƏNİB-1

İstanbulun Zeytunburnu qəsəbəsində binanın çökməsi nəticəsində 2 nəfər ölüb, xəsarət alanların sayı 17-yə çatıb

APA-nın məlumatına görə, 56 mənzilli 8 mərtəbəli bina səki ilə hərəkət edən piyadaların üzərinə aşıb.

İstanbulun valisi Vasip Şahin hadisə yerində olub. O, bildirib ki, bina 2015-ci ildə boşaldılıb və yaşayış olmayıb. Binanın çökməsi nəticəsində ərazidən keçən adamlar dağıntılar altında qalıblar. 1 nəfər hadisə yerində, daha 1 nəfər isə xəstəxanada dünyasını dəyişib.

Vali Vasip Şahin bildirib ki, təhlükəsizlik məqsədilə ərazidə 21 bina boşaldılıb. Bəzi iddialara görə, bina rəsmən boşaldılsa da, orada suriyalı qaçqınlar qanunsuz yaşayıblar. İstanbul valisi bildirib ki, onlarda belə məlumat yoxdur. Lakin hər ehtimala qarşı dağıntılar altında axtarışlar davam etdirilir.

***

18:29

Zeytunburnunda binanın çökməsi nəticəsində 1 nəfər dünyasını dəyişib.

Lent.az-ın sözcü-yə istinadən məlumatına görə, hadisə zamanı 5 nəfər yaralanıb.

***

17:55

Türkiyədə, Zeytinburnu ərazisində çoxmərtəbəli bina çöküb.

Lent.az-ın sözcü-ə istinadən məlumatına görə, çoxlu sayda yaralıların olduğu deyilir. Hadisə yerinə təcili tibbi yardım maşınları sövq edilib. Çökən binanın əvvəlcə boşaldıldığı deyilsə də, dağıntılar altında qalanların olduğu bildirilir.

Zeytinburnunda çökən binanın 7 mərtəbə olduğu öyrənilib. İndiyə qədər dağıntı altından çıxarılan 2 nəfər xəstəxanaya aparılıb.

Çökən binaya bitişik yanacaqdoldurma məntəqəsi, binanın aşağı mərtəbəsində isə işlək ATM mərkəzləri və iri supermarket var imiş

Zeytunburnu Bələdiyyə sədri Muray Aydın bildirib ki, 56 mənzilli bina boş olub. 1993-cü ildə inşa edilən bina 2015-ci ildə boşaldılıb.

Hadisənin detalları açıqlanacaq.