Şimali Koreyadan Cənubi Koreyaya SAVAŞ TƏHDİDİ

Şimalı Koreyanın gənc lideri Kim Yonq Un Cənubi Koreyada baş verən gərginliklə əlaqədar ölkəsinin sərhədindəki ordu birləşmələrinə müharibə vəziyyətinə keçməklə bağlı əmr verib. Lent.az BBC-yə istinadən xəbər verir ki, bu barədə Ş.Koreyanın dövlət agentliyinin yaydığı açıqlamada bildirilir. Kim Yonq Un ordu generallarına göndərdiyi əmrdə sərhəddəki bütün ordu birləşmələrinin hər an silahlı qarşıdurmaya hazır olması qeyd edilir.

Bildirilir ki, bu ayın əvvəlində Koreya yarımadasında yerləşən iki dövlət arasında sərhəddə silahsızlaşdırılmış zona yaradılıb. Buna baxmayaraq az sonra həmin zonada mina partlayıb və Cənubi Koreya ordusunun iki hərbçisi yaralanıb. Daha sonra Cənubi Koreya hökuməti Şimalı Koreyaya qarşı təbliğat mübarizəsinə davam edəcəyini açıqlayıb. Bu qərardan sonra tərəflər arasında münasibətlər daha da kəskinləşib və sərhəddə bir neçə dəfə silahlı insident baş verib. Şimali Koreya rəsmi Seula təbliğat müharibəsini dayandırmayacağı təqdirdə müharibənin başlaya biləcəyi ilə bağlı xəbərdarlıq edib.