Putin çadra ilə bağlı son sözünü söylədi

Rusiya prezidenti Vladimir Putin Şimali Qafqaz bölgəsinin zahirən artıq qatı islam ölkələrinə bənzəməsi, qadın və qızların çadraya bürünməsi ilə bağlı ona ünvanlanan sualı cavablandırıb.

Lent.az-ın İTAR-TASS agentliyinə istinadən verdiyi məlumata görə, Vladimir Putin deyib ki, o, qəti olaraq Rusiyanın hər hansı bir yerində qız uşaqlarının məktəbə çadra ilə gəlməsinə və bunun bir normaya çevrilməsinə qarşıdır: “Bizə yad adət və ənənələr lazım deyil. Bir misal çəkim. Rusiya bir neçə il əvvəl İslam Əməkdaşlıq Təşkilatına müşahidəçi statusla üzv olan zaman mən də bu təşkilatın zirvə toplantısına qatılmışdım. Tədbirdə islam aləminin öndə gələn üləmaları bir çox islam ölkəsində qadın və qızların çadra ilə gəzməsinin qəti tələb kimi qoyulmasına etiraz etdilər. Mən yox, onlar buna qarşı çıxdılar. Belə bir tələbin cəhalət və geriliyin əlaməti olduğunu söylədilər. İslam alimləri çadraya qarşı çıxırlarsa, biz niyə buna “bəli” deyək? Qəti olaraq qız şagirdlərin məktəbə çadra ilə gəlməsinin əleyhinəyəm”.