Fransanın paytaxtı Parisdə ard-arda iki silahlı atışma baş verib.
Lent.az-ın xarici KİV-ə istinadən məlumatına görə, hadisələrdən birincisi Orli hava limanında yaşanıb. Əsgərin silahını almaq istəyən bir şəxs mühafizəçilər tərəfindən güllənərək öldürülüb. Hücumçu öldürülməzdən əvvəl hava limanının yaxınlığındakı dükanlardan birində gizlənib.
Hadisə ilə əlaqədar olaraq Orli hava limanı təhlükəsizlik baxımından boşaldılıb. Uçuşlar təxirə salınıb. Orli hava limanına eniş etməli olan təyyarələr isə başqa hava limanına yönləndirilib.
Hücum edən şəxsin Parisin şimalında polis məntəqəsində yaşanan hadisədən sonra hava limanına gəldiyi açıqlanıb. Onun radikal islam təşkilatının üzvü olduğu deyilir.
İkinci hadisə isə Parisin şimalında polis məntəqəsində qeydə alınıb. Dələduz polislərdən birini yaralayaraq hadisə yerindən qaçıb.
Təhlükəsizlik qüvvələri hər iki hadisə arasında bağlılığın olduğunu deyir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
