Pakistanın cənubundakı Sind əyalətində baş verən yol qəzasında ən azı 42 nəfər ölüb.
APA-nın “Agence France-Presse”ə istinadən verdiyi məlumata görə, aprelin 20-də Pano-Akil şəhəri yaxınlığında sərnişin avtobusu yolun kənarında dayanmış yük avtomobilinə çırpılıb.
Ölənlər arasında 20-dək qadın və uşaq var.
Polisin məlumatına görə, daha 20 nəfər xəsarət alıb.
Qəzanın səbəbləri dəqiqləşdirilir.
Məlum olan odur ki, qəza baş verən ərazidə yolun hərəkət hissəsindən biri təmir üçün bağlı olub.