PKK terror təşkilatının həbsdə olan lideri Abdullah Öcalan Türkiyəni tərk edərək Şimali İraqdakı düşərgələrə gedən PKK üzvlərinin silahlarını buraxaraq oktyabrın 15-dən Türkiyəyə geri dönəcəklərini bildirib.
Lent.az-ın “Hürriyet” qəzetinə istinadən verdiyi məlumata görə, Abdullah Öcalan bunu PKK terror təşkilatına yaxınlığı ilə seçilən Barış və Toplum Partiyasının (BDP) rəhbərliyində təmsil olunan şəxslərlə son görüşündə söyləyib.
Görüşdə Novruz bayramı zamanı verdiyi mesajları xatırladan Abdulla Öcalan deyib ki, artıq silahlı mübarizə dövrü sona çatıb, siyasət dönəmi başlayıb. Silahı yerə qoyan ilk PKK qrupunun oktyabrın 15-də Türkiyəyə dönəcəyini qeyd edən A. Öcalan bildirib ki, həm Türkiyə hökuməti, həm də PKK çözüm prosesini sürətləndirməlidir. O, prosesin uzanması durumunda kənar qüvvələrin təxribat törətməsindən narahat olduğunu da vurğulayıb.