NATO-nun baş katibi Türkiyəyə gedəcək

NATO-nun baş katibi Türkiyəyə səfər edəcək. Lent.az Türkiyə mediasına istinadən xəbər verir ki, Yens Stoltenberq sentyabrın 8-9-da Ankarada olacaq və Türkiyə rəhbərliyi ilə hərbi-siyasi əməkdaşlıq məsələlərini müzakirə edəcək.

NATO rəhbərinin Türkiyə prezidenti Rəcəb Tayyib Ərdoğanla görüşü zamanı əsas müzakirə mövzusunun Suriya məsələsi və Türkiyənin təhlükəsiz zona yaradılması olacağı gözlənilir.