Misirdə keçid dövrü yazda bitəcək
29 sentyabr 2013 07:13 (UTC +04:00)

Misirdə keçid dövrü yazda bitəcək

Misirdəki müvəqqəti hakimiyyəti keçid dövrünün gələn ilin yazında başa çatacığı qənaətindədir.

 

Lent.az-ın xarici informasiya vasitələrinə istinadən məlumatına görə, sentyabrın 28-də ölkənin xarici işlər naziri Nabil Fəhmi BMT Baş Assambleyasının sessiyasındakı çıxışında bu haqda bildirib.

 

Onun sözlərinə əsasən, 2013-cü il iyulun 3-də Məhəmməd Mursi hakimiyyətdən uzaqlaşdırıldıqdan sonra Misir xalqı «yol xəritəsi»ni uğurla həyata keçirir.

 

 

«Biz dövlətçilik əsasında ədalət, azadlıq və demokratiya prinsiplərini gerçəkləşdirmişik. Bunların ardınca parlament sonra isə prezident seçkilərini keçirəcəyik. Beləliklə, keçid dövrünü gələn ilin yazında başa çatdıracağıq»-deyə, diplomat bildirib.

 

 

Fəhmi qeyd edib ki, Misir bütün dünya ilə qarşılıqlı əsaslarda  «demokratik beynəlxalq münasibətlər» qurmaq niyyətindədir. O, bildirib ki, bu əlaqələr «müstəqillik, qarşılıqlı sayğı və daxili işlərə qarışmamaq prinsipləri»nə söykənməlidir.

 

Nazir indiki xarici siyasətin milli maraqla və təhlükəsizliyə uyğun formalaşdırıldığın vurğulayıb. 

# 497
avatar

Oxşar yazılar