Gürcüstan MSK: Seçkilərdə ən çox şikayət Marneuli və Zuqdididən daxil olub
19 may 2019 21:55 (UTC +04:00)

Gürcüstan MSK: Seçkilərdə ən çox şikayət Marneuli və Zuqdididən daxil olub

Gürcüstanda keçirilən seçkilər zamanı Mərkəzi Seçki Komissiyasına gün ərzində ümumilikdə 89 şikayət daxil olub. 
 
ONA-nın Gürcüstan bürosundan verilən xəbərə görə, bu barədə komisiyanın mətbuat katibi Ana Mikeladze məlumat verib. 
 
Bildirib ki, şikayətlər ən çox Marneuli və Zuqdididən qəbul edilib. 
 
“Şikayətlərdən 44-ü Zuqdididən, 21-i Marneulidən, 16-sı Xulo, 6-sı Zestaponi, 1-i isə müvafiq olaraq Ozurgeti və Tiflisdən qəbul edilib” - deyə Ana Mikeladze bildirib.
 
Qeyd olunub ki, komissiyanın qaynar xəttinə gün ərzində 209 zəng, 56 sms daxil olub.
 
Şikayətlərin əsasən texniki məsələlərlə bağlı olub.
# 1413
avatar

Oxşar yazılar