Filippin prezidenti Obamaya “şərəfsiz” dedi

ABŞ hökumətinin Filippində 2 mindən çox şübhəlinin narkotik mafiyasının qurbanı olmağına görə narahatlığını ifadə edən bəyanat yayması Filippin prezidenti Rodriqo Duterte tərəfindən kəskin qarşılanıb.

Lent.az-ın “qafqazinfo”-ya istinadən xəbərinə görə, Filippin prezidenti bu gün Laosda keçiriləcək Şərqi Asiya sammitinə həsr olunmuş mətbuat konfransından öncə çıxışı zamanı amerikalı həmkarı Barak Obamanı buna görə “şərəfsiz” adlandırıb.

“Sadəcə bəyanatlar və hesabatlar vermək lazım deil. Şərəfsiz, mən səni bu forumda lənətləyirəm”, - deyə Duterte bildirib.