Astanada ilkin danışıqlar keçirilib

Suriya ilə bağlı görüşün keçirilməsi planlaşdırılan Astanada İran, Türkiyə və Rusiya nümayəndə heyətləri arasında ilkin görüşlər keçirilib.

APA-nın “RİA Novosti”yə istinadən verdiyi xəbərə görə, İran XİN rəhbərinin müavini Hüseyn Caberi Ansari əvvəlcə Rusiya nümayəndə heyətinin nümayəndəsi Aleksandr Lavrentyevlə, daha sonra isə Türkiyə nümayəndələri ilə görüşüb.

Bir qədər sonra üçtərəfli görüşün keçirilməsi nəzərdə tutulub.

Qeyd edək ki, Suriya nizamlanması üzrə beynəlxalq görüş Astanada yanvarın 23-də başlayacaq.