ABŞ-da növbəti silahlı insident: 4 ölü - YENİLƏNİB-1

ABŞ-ın San-Fransisko şəhərində baş verən silahlı insident nəticəsində ölənlərin sayı 4-ə çatıb.

APA-nın Reuters agentliyinə istinadən verdiyi xəbərə görə, hadisə "UPS" poçt şirkətinin yerləşdiyi ərazidə qeydə alınıb.

Məlumata görə, atəş şirkətin əməkdaşı tərəfindən açılıb. Bundan əvvəl atəş açan şəxsin polislə atışmada yaralanaraq xəstəxanaya yerləşdirildiyi bildirilirdi.

***

San-Fransiskoda silahlı insident baş verib, 2 nəfər ölüb, 5 nəfər yaralanıb

ABŞ-ın San-Fransisko şəhərində baş verən silahlı insident nəticəsində azı 2 nəfər ölüb, 5 nəfər yaralanıb.

APA-nın xəbərinə görə, bu barədə yerli “KRON” telekanalı məlumat verib.

Atəş açan şəxs polis tərəfindən saxlanılıb. O, polislə atışmada yaralanaraq xəstəxanaya yerləşdirilib. Hadisə “United Parcel Service” poçt şirkətinin yaxınlığında qeydə alınıb.

İnsidentin digər təfərrüatları barədə hələ ki, məlumat verilmir.

***

ABŞ-ın San-Fransisko şəhərində silahlı insident baş verib.

APA-nın RİA Novosti agentiyinə istinadən verdiyi xəbərə görə, hadisə “United Parcel Service” poçt şirkətinin yaxınlığında qeydə alınıb.

Naməlum şəxs odlu silahdan atəş açaraq bir neçə nəfəri yaralayıb. Cinayətkarın polis tərəfindən saxlanıldığı bildirilir. İlkin məlumata görə, o, polislə atışmada yaralanaraq xəstəxanaya yerləşdirilib. İnsidentin təfərrüatları barədə hələ ki, məlumat verilmir.