Gürcüstanda yük maşınının dərəyə aşması nəticəsində 5 nəfər ölüb - FOTO - YENİLƏNİB-1

Gürcüstanın Tuşeti rayonunda baş vermiş yol qəzası nəticəsində ikisi azyaşlı olmaqla 5 nəfər ölüb.

APA-nın yerli bürosu xəbər verir ki, qəza zamanı yük maşınında 13 nəfərin olduğu bildirilir. Qeyd olunur ki, kəndli bayramına gedən yük maşını idarəetmənin itirilməsi nəticəsində təxminən 400 metr dərinliyi olan dərəyə yuvarlanıb.

Onlardan 5-i qəza baş verən vaxt avtomobili vaxtında tərk edə biliblər. Yaralanan 3 nəfər helikopterlə Telavi xəstəxanasına çatdırılıb.

***

Saat 15:28

Gürcüstanın Tuşeti rayonunun Kvemo-Alvano kəndində kuzovunda kəndliləri daşıyan "KamAZ" markalı yük maşını dərəyə aşıb.

APA-nın yerli bürosu xəbər verir ki, bu barədə Gürcüstan Fövqəladə Hallar İdarəetmə Xidmətindən məlumat verilib. Bildirilib ki, Tuşeti yolunun 23-cü kilometrliyində yük avtomobilinin dərəyə aşması ilə bağlı qurumun qaynar xidmətinə məlumat daxil olub. Bundan sonra əraziyə xilasedicilər cəlb edilib.

İkin məlumata əsasən qəza zamanı "KamAZ" markalı yük maşınının kuzovunda 12 nəfər olub. Onlardan 7-si itkin düşdüyü bildirilib.

Qəza zamanı həlak olanlarla bağlı məlumat verilməyib.