Şimali Koreya ABŞ və Yaponiyanı hücumla hədələdi

Rəsmi Pxenyan ABŞ və Yaponiya hərbi bazalarına zərbələrin endirilməsini sınaqdan keçirdiyini bəyan edib.

APA-nın məlumatına görə, bu barədə Cənubi Koreyanın “Rönhap” agentliyi xəbər verib.

Martın 6-da Şimali Koreya Yapon dənizinə 4 ballistik raket buraxıb. Onlardan üçü Yaponiyanın ərazi sularına düşüb. Şimali Koreyanın Phönan-Pukto əyalətindəki kosmodromdan buraxılan raketlər 260 km hündürlüyə qalxdıqdan sonra 1000 km məsafə qət edib.