![[b]Çin lideri ABŞ-dadır[/b]](https://lent.az/site/assets/images/breaking-news/lentaz.png)
Çin Xalq Respublikasının sədri Si Tzinpin ABŞ-a səfər edib.
APA-nın CNN-ə istinadən verdiyi xəbərə görə, Çin liderinin təyyarəsi yerli vaxtla 13.40-da (Bakı vaxtı ilə 21.40-da) Floridanın “Palm Biç” hava limanında eniş edib. ABŞ prezidenti Donald Trampın da yaxın saatlarda Floridaya səfər edəcəyi gözlənilir.
Trampın Si Tzinpinlə ilk görüşü onun Floridadakı “Mar-a-Laqo” iqamətgahında baş tutacaq. Liderlərin bu gün axşama birgə şam yeməyi nəzərdə tutulub. Danışıqların aprelin 7-də keçiriləcəyi planlaşdırılıb.
Görüşdə ikitərəfli münasibətlər, ticarət disbalansı, Tayvan məsələsi, Cənub-Çin dənizi ətrafındakı mübahisə və Şimali Koreyanın nüvə problemi kimi məsələlərin əsas müzakirə mövzusu olacağı gözlənilir.
Ekspertlər hazırkı səfərin tanışlıq xarakteri daşıdığını, ciddi razılaşmaların əldə edilməyəcəyini qeyd edirlər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
