“Fətullah Gülən uşaqları döyür, falaqqaya yatırırdı” - ƏN YAXIN ADAMDAN ŞOK İDDİALAR

Bir zamanlar Fətullah Gülənin “sağ qolu” kimi tanınan, daha sonra ondan ayrılan və Gülən camaatı əleyhində şok açıqlamalarla çıxış edən Nurəddin Verən ötən gecə “CNN Türk”də qatıldığı verilişdə inanılmaz iddialar səsləndirib.

Lent.az-ın Türkiyə mediasına istinadən məlumatına görə, N.Verən Gülənin səhhəti ilə bağlı bir neçə dərman qəbul etdiyini və bu dərmanların bədəndən atılmasının aylar çəkdiyini deyib. Onun sözlərinə görə, Gülənin istifadə etdiyi dərmanların çox təhlükəlidir: “Gülənin kimlərinsə beynini yuyarkən, başqaları da onun beynini yuyub”.

N.Verənin şok açıqlaması isə Gülənin uşaqlarla davranışı ilə bağlı olub. O bildirib ki, Gülənlə işlədiyi dövrdə onun uşaqları döydüyünü və qəzəbləndiyi şəxsləri falaqqaya yatırtdığını görüb: “Mən bütün bunları gözlərimlə görmüşəm, hamısına şahidəm”.