Ukraynanın bu raketləri vurmağa texnikası yoxdur

Hərbi Hava Qüvvələri Dneprdə yaşayın binasına düşən raketin Ukraynanın hava hücumundan müdafiəsi tərəfindən vurulması ilə bağlı şayiələrə cavab verib.

Lent.az-ın Ukrayna mətbuatına istinadən verdiyi məlumata görə, Ukrayna Silahlı Qüvvələrinin Hərbi Hava Qüvvələrinin komandanı, general-leytenant Nikolay Oleşçuk bildirib ki, Rusiyanın çoxmərtəbəli yaşayış binasını X-22 raketi ilə vurması şübhə doğurmur.
General qeyd edib ki, Ukrayna Silahlı Qüvvələrinin bu cür raketləri vurmağa qadir texnikası yoxdur.

“2023-cü il yanvarın 14-də Rusiya Aerokosmik Qüvvələrinin beş Tu-22 uzaqmənzilli bombardmançı təyyarəsindən Ukrayna ərazisinə beş X-22 qanadlı raket atılıb. Atışlar Kursk vilayətindən və Azov dənizindən həyata keçirilib. Kursk vilayətindən atılan X-22 raketlərindən biri Dnepr şəhərində hündürmərtəbəli binaya düşüb. Radar qurğuları raketin təxmini buraxılış yeri, hündürlük və uçuş sürətini aşkar edib. Şübhə yoxdur ki, bu, X-22 raketi idi” – general deyib.