Ukraynada partiyalara məhdudiyyət qoyuldu

Ukraynanın Milli Təhlükəsizlik və Müdafiə Şurası hərbi vəziyyət dövründə bəzi partiyaların fəaliyyətini dayandırıb.

Lent.az-ın UNİAN-a istinadla xəbərinə görə, bu barədə Ukrayna Prezidenti Volodimir Zelenski videomüraciət zamanı bildirib.
“Milli Təhlükəsizlik və Müdafiə Şurası genişmiqyaslı müharibəni nəzərə alaraq hərbi vəziyyət dövründə bəzi partiyaların fəaliyyətini dayandırıb” – deyə prezident qeyd edib.

Zelenski fəaliyyəti dayandırılan partiyaların adlarını da elan edib. Onların arasında solyönümlü siyasi qüvvələr üstünlük təşkil edir.