Jurnalistlər Ukraynada məhv edilən 26 121 rus hərbçinin şəxsiyyətini müəyyən ediblər.
Lent.az-ın xarici mediaya istinadən xəbərinə görə, itkilərin artımı hələ də keçən ilin orta göstəricilərini üstələyir.
Son iki həftə ərzində öldürülən 903 nəfərin adını müəyyən etmək mümkün olub, BBC xəbər verir və xəbərdarlıq edir ki, bu rəqəmə rusların yeni itkiləri daxil deyil. Çünki Rusiya hərbçilərinin ölümü ilə bağlı xəbərlər iki həftəlik gecikmə ilə gəlir.
Jurnalistlər qeyd ediblər ki, təkcə son iki həftə ərzində daha 487 “Vaqner” muzdlusunun ölümü təsdiqlənib, onlardan 233-ü mühakimə olunanlardır. Onların demək olar ki, hamısı Baxmut ərazisində gedən döyüşlərdə məhv edilib.
Jurnalistlər vurğulayıblar ki, “Vaqner”in itkilərinin çoxu məhkumlardır. Bu günə kimi məhv edilən 4922 məhkumun adı məlumdur.
Materialda həmçinin xatırladılır ki, bu həftə Rusiyanın 35-ci Əlahiddə Ümumqoşun Ordusunun baş qərargah rəisi, general-mayor Sergey Qoryaçevin ölüm xəbəri təsdiqlənib. Ehtimallara görə, o, Zaporojye vilayətində məhv edilib və Sankt-Peterburqdakı Smolensk qəbiristanlığında dəfn edilib.
Qoryaçev 2022-ci ilin fevralından ölümü təsdiqlənən beşinci rus generalı olub. Lakin onların məzarları hələ də aşkar edilməyib.
Bundan əlavə, müharibənin əvvəlindən Rusiya 2152 zabit itirdi, onlardan 597-si mayor və yuxarı rütbələrdə olub. Həmçinin leytenantdan kapitan rütbəsinə qədər 1554 hərbi qulluqçu məhv edilib. Mütəxəssislər qeyd ediblər ki, onların itirilməsi taktiki uyğunluğun ciddi şəkildə azalmasına gətirib çıxarır.
Bundan əlavə, jurnalistlər bu il yanvarın 1-dən etibarən 60 faizi öldürülən 2581 səfərbər edilmiş rusiyalının ölümü barədə məlumat əldə ediblər.