Son sutka ərzində leysan və torpaq sürüşməsi 30-dək insanın həyatına son qoyub.
Lent.az-ın xəbərinə görə, bunu Braziliyanın Pernambuk regionunun Mülki müdafiə xidməti açıqlayıb.
Səhər saatlarında torpaq sürüşməsi nəticəsində 10 nəfərin öldüyü təsbit edilib. Gün ərzində təbii fəlakət qurbanlarının sayı 30-a çatıb.
Yerli media xəbər verir ki, aramsız yağışlara görə minədək insan təxliyə olunub. Regiona sutka ərzində 246 mm yağıntı düşüb ki, bu da aylıq normanın 70%-nə bərabərdir.