Terror HƏYƏCANI: "Allahu əkbər " qışqırıb...

Almaniya polisi Ansbax şəhərində dəmiryolu stansiyası yaxınlığında “Allahu əkbər” qışqıraraq bir neçə nəfəri bıçaqla yaralayan şəxsi güllələyib.

Lent.az xarici mediaya istinadən bildirir ki, bu barədə yerli “Spiegel” nəşri məlumat yayıb.

Məlumata görə, hüquq-mühafizə orqanlarının əməkdaşları cümə axşamı axşam saat 18:00-da odlu silahdan istifadə ediblər. Təşvişə düşmüş bir neçə patrul briqadası həmin kişini dayandıra bilib.

O, zabitlərə hücum edərkən polis odlu silahdan istifadə edib. Kişi aldığı xəsarətlərdən yerindəcə keçinib. Yoldan keçən iki yaralının təhlükəsi yoxdur, hüquq-mühafizə orqanlarının əməkdaşlarından heç biri xəsarət almayıb.

Almaniyanın hüquq-mühafizə orqanları hücum edənin islamçılarla əlaqəli olub-olmadığını hələlik təsdiqləməyib.

Öldürülən 30 yaşlı kişidir.

Hazırda təcavüzkarın ətrafında əməliyyat-istintaq tədbirləri və axtarışlar davam etdirilir.

Hüquq-mühafizə orqanlarının əməkdaşları qeyd ediblər ki, şəxs yoldan keçən bir neçə nəfərə hücum edib və ən azı iki nəfəri bıçaqla yaralayıb. Onların sözlərinə görə, o, yoldan keçənlərə fərq qoymadan hücum edib.