Rusiyada azərbaycanlının öldürülməsi
09 sentyabr 2021 12:22 (UTC +04:00)

Rusiyada azərbaycanlının öldürülməsi

Rusiyada polisin öldürdüyü azərbaycanlının dostları MƏHKƏMƏDƏ

Bu il may ayının sonunda Rusiyada polis tərəfindən öldürülən azərbaycanlı gəncin dostları İsmayıl İlkin, Ruslan və Tural Qurbanovların cinayət işi üzrə ibtidai istintaq yekunlaşıb.

Lent.az-ın Rusiya mediasına istinadla məlumatına görə, bu barədə ölkənin İstintaq Komitəsinin saytında xəbər yerləşdirilib.

Xəbərdə 3 azərbaycanlı gəncin polisə müqavimətdə ittiham olunduğu bildirilir.

Qeyd edək ki, bu il mayın 28-də yol polisi Sibir magistral yolunda içərisində azərbaycanlılar olan “Toyota” markalı avtomobili saxlamağa çalışıb.

Lakin sürücü buna məhəl qoymayaraq yoluna davam edib və o, Moşkovo qəsəbəsi yaxınlığında saxlanılıb. Orada yol polisi ilə yaranan insident zamanı açılan atəş nəticəsində azərbaycanlı Vəkil Abdullayev həlak olub.

# 876
avatar

Mehman Nəbiyev

Oxşar yazılar