Qalmaqallı döyüşçü ABŞ prezidentini ələ saldı

Keçmiş müvəqqəti UFC yüngül çəki çempionu Kolbi Kovinqton “Submissive Radio” video podkastında ABŞ-ın hazırkı prezidenti Co Baydeni təhqir edib.

Lent.az-ın xarici mətbuata istinadla xəbərinə görə, 35 yaşlı amerikalı döyüşçü 2023-cü ilin payızında baş tutmalı olan britaniyalı Leon Edvardsa qarşı gələcək döyüşü ilə bağlı müzakirələr kontekstində Baydenin adını çəkib.

“Mən bilirəm ki, Leonla döyüşümüz təxirə salınıb. Bəlkə də sentyabrda olacaq, amma hələ heç nə sifariş verilməyib. Mübarizə nə qədər tez baş tutsa, bir o qədər yaxşıdır: ilin 365 günü hazıram. Bu gün qəfəsdə görüşsək, mən hazıram. Bu döyüş formallıqdan başqa bir şey deyil: hamı bilir ki, Edvard yanlış yerdədir. Onun yeni adı "İdiot Leon" kimi səslənir. Onun hansı təhsilə sahib olduğunu öyrənməyi məsləhət görürəm? O, hətta orta məktəbi də bitirdimi? Çünki onun IQ səviyyəsi o qədər aşağıdır ki, Bayden kimi axmaqdır”, - Kovinqton bildirib.

Kovinqton 17 qələbə və 3 məğlubiyyətlə 20 peşəkar döyüş keçirib. Döyüşçü Respublikaçılar Partiyasının və ABŞ-ın keçmiş prezidenti Donald Trampın ictimai tərəfdarıdır.