Rusiya prezidenti Vladimir Putin amerikalı həmkarı Co Baydeni kökə ilə çay süfrəsinə dəvət edib.
Lent.az-ın xarici mediaya istinadla xəbərinə görə, o, bunu Pekində keçirilən forumun yekunlarına dair mətbuat konfransında ABŞ-dan Ukraynaya uzaqmənzilli ATACMS raketlərinin tədarükünü şərh edərkən bildirib.
Rusiya prezidenti Baydenin Rusiyanın “uduzduğunu” və Ukraynadakı xüsusi əməliyyatın uğurlu olmayacağını dediyini xatırladıb. “Əgər Rusiya müharibəni uduzubsa, onda ABŞ niyə Ukraynaya ATACMS verir?” - Putin təəccüblənib.
“ATACMS və bütün digər silahları geri alsınlar. Bayden kökə ilə çay üçün süfrəmizə gəlsin”, - Puin vurğulayıb.
Putinin sözləri Baydenin avqust ayında Yaponiya və Cənubi Koreya liderlərinin ABŞ-a səfəri zamanı verdiyi bəyanata istinad edir. Daha sonra Amerika prezidenti bildirib ki, Rusiya bundan sonra Ukraynadakı xüsusi hərbi əməliyyatın məqsədlərinə nail ola bilməyəcək. "Bu mümkün deyil", - Amerika prezidenti vurğulamışdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
