Cənubi Koreyada iki il ərzində polisə 60 minə yaxın zəng edən şəxs həbs olunub.
Lent.az xəbər verir ki, bu barədə rg.ru məlumat yayıb.
Hüquq-mühafizə orqanları iki ildən az müddətdə polisə 60 minə yaxın saxta zəng etdiyinə görə təxminən 50 yaşlarında olan kişini həbs etdiyini bildirib. O, 58 307 dəfə polisə zəng edib ki, onlardan 51-i yüksək təhlükəli hadisə kimi təsnif edilib. Bu o deməkdir ki, o, gündə təxminən 80 dəfə zəng edib.
2024-cü ilin mayında cəmi dörd gün ərzində kişi 1 882 dəfə polisə zəng edib. Müraciətin səbəbi saxta zənglərə görə ona təyin edilən cərimədən narazı qalması olub. Zəng edərkən, o, qardaşını öldürməklə hədələyib, sonra onu girov saxladığını iddia edib, daha sonra isə qapalı yerdə saxlanıldığından şikayətlənib.
Şübhəli izah edib ki, tənhalıq səbəbindən onun üçün polisə zəng etmək vərdiş halına çevrilib. Belə ki, sərxoş olan kimi o, polislərə zəng etməyə başlayıb. 2023-cü ildən bəri o, saxta zənglərə görə yeddi dəfə cərimələnib, lakin o bunu "ünsiyyət" üçün abunə haqqı kimi qəbul edib.
İndi isə iş daha ciddidir: o, dələduzluq yolu ilə polisə mane olmaqda ittiham edilir. Bunun üçün beş ilə qədər həbs cəzası və ya 10 milyon von (təxminən 7 000 dollar) məbləğində cərimə nəzərdə tutulur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
