Nikol Paşinyan
15:30 3 may 2021

Nikol Paşinyan

Paşinyan baş nazir seçilmədi - YENİLƏNİB

Ermənistan parlamenti bu gün keçirilən xüsusi iclasında Nikol Paşinyanın Baş nazir postuna namizədliyinin lehinə səs verməyib.

APA-nın TASS-a istinadən verdiyi məlumata görə, məqsəd növbədənkənar parlament seçkilərinin keçirilməsidir.

Paşinyanın Baş nazir seçilməsinin lehinə 1, əleyhinə 3 deputat səs verib, 75 nəfər bitərəf qalıb.

Spiker Ararat Mirzoyan N. Paşinyanın Baş nazir seçilmədiyini elan edib.

Qeyd edək ki, Ermənistanda növbədənkənar seçkilərin bu il iyunun 20-də keçirilməsi gözlənilir. Seçkilərlə əlaqədar Baş nazir postundan istefa verən N. Paşinyan hazırda bu vəzifəni müvəqqəti icra edir. Parlamentdə bu gün keçirilmiş səsvermə isə növbədənkənar seçkilərin baş tuta bilməsi üçün prosedur xarakteri daşıyır. 

***

saat 14:27

Ermənistan parlamentinin hakim fraksiyası “Mənim addımım” hökumətin başçısı vəzifəsini icra edən Nikol Paşinyanın baş nazir vəzifəsinə namizədliyini irəli sürüb.

Lent.az Ermənistan mediasına istinadla bildirir ki, fraksiyanın rəhbəri Lilit Makuntsun sözlərinə görə, bu addım erkən seçkilərin keçirilməsi prosedurunun bir hissəsidir. 

Ölkə qanunvericiliyinə görə, deputatlar iki həftə ərzində baş nazir seçməsələr, parlament buraxılacaq və ölkədə erkən seçkilər keçiriləcək.

# 5145
avatar

Oxşar yazılar