"Omicron"un daha bir əlaməti AÇIQLANDI

“İştahasızlıq "Omicron" ştammı ilə yoluxmanın simptomlarından biri ola bilər”.

Lent.az xəbər verir ki, bu barədə Britaniyanın “Daily Express” nəşri ZOE tibb şirkətinin mütəxəssisləri və London Kral Kollecinin analitiklərinin araşdırmasına istinadən məlumat yayıb.

Mütəxəssislər burun axması, baş ağrısı, yorğunluq, asqırma və boğaz ağrısını "Omicron" ştammı infeksiyasının ən çox müşahidə edilən simptomları ilə əlaqələndiriblər.

Tədqiqatçılar bildirib ki, yeni növə yoluxanların yalnız 50%-i koronavirusun klassik simptomları hesab edilən qızdırma, öskürəkdən şikayətlənib.

Elm adamları koqnitiv disfunksiyanı qeyri-adi əlamətlrr kimi sıralayıblar ki, bu da tez-tez "Omicron"a yoluxmuş insanlarda da baş verir.