Finlandiyanın NATO-ya daxil olması şərəfinə pivə buraxılıb.
Lent.az xəbər verir ki, bu barədə Finlandiyanın “Yle” dövlət televiziyası məlumat yayıb.
Bildirilir ki, Savonlinna şəhərinin “Olaf Brewing” pivə zavodu OTAN (NATO adının fransızca variantı – red.) adlı içki istehsal edib.
Mavi etiketli pivə qabının üzərində NATO-nun simvolu ilə bəzədilmiş metal zirehli geyimdə cizgi filmi personajı təsvir edilib.
Zavodun baş direktoru Petteri Venttinen bildirib ki, əvvəllər siyasi məsələlərdə xüsusi mövqe nümayiş etdirməyiblər:
“Ancaq indi finlərin əksəriyyəti NATO-ya üzvlük qərarını dəstəkləyir. Ona görə də biz bu addımı atdıq”.
Qeyd edək ki, bu həftə Finlandiya NATO-ya üzvlük üçün müraciət edəcək. Artıq məsələyə ölkə parlamentində baxılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
