Model plastik cərrahiyyə əməliyyatının sonra öldü

Argentinalı model və aktrisa Silvina Luna 43 yaşında uğursuz plastik əməliyyatın yaratdığı fəsadlardan dünyasını dəyişib.

Lent.az xəbər verir ki, bu barədə TN telekanalı məlumat yayıb.

Luna, uğursuz plastik cərrahiyyə əməliyyatı nəticəsində pisləşən səhhətinə görə xəstəxanada təxminən üç ay qalıb.
Avqustun ortalarında səhhətində qısamüddətlik yaxşılaşmadan sonra model yenidən reanimasiya şöbəsinə köçürülüb.
Telekanalın məlumatına görə, həkimlər modeli xilas etməyin mümkün olmadığını təsdiqlədikdən sonra yaxınları onu oksiken aparatından ayırmağa məcbur olub.

Aktrisa 2010-cu ildə plastik cərrah Anibal Lotokinin ombasına metakrilat yeritdikdən sonra inkişaf etdirdiyi xroniki böyrək çatışmazlığı yaşayırdı.

2022-ci ildə bir həkim sağlamlığa yüngül xəsarət yetirməkdə ittiham edilərək 4 il müddətinə azadlıqdan məhrum edilib.
Luna realiti şoularda iştirak etməklə şöhrət qazanıb. Televiziya şoularında oynayıb, aparıcı və model kimi çalışırdı.