İran regionda böyük terror gücü formalaşdırır  -  İsrail kəşfiyyatı
12 sentyabr 2022 21:33 (UTC +04:00)

İran regionda böyük terror gücü formalaşdırır - İsrail kəşfiyyatı

İsrail kəşfiyyatının əldə etdiyi məlumatlar sübut edir ki, İran Suriyanın ərazisində raket və digər silahların istehsalı üçün 7 obyekt tikib. 

Lent.az-ın İsrailin Müdafiə Nazirliyinin mətbuat xidmətinə istinadla məlumatına görə, bu açıqlamanı ölkənin müdafiə naziri Beni Hans Nyu-Yorkdakı mətbuat konfransında verib. 

Hans İranın Yaxın Şərqdə artan iştirakından dərin narahatlığını bildirib. Onun sözlərinə görə, Tehran “nəzarət etdiyi qüvvələr vasitəsilə regionda özünü sistemli şəkildə təsdiq edir, onları şəxsi heyət, yüksək texnologiyalı silahlar və hərbi təcrübə ilə təmin edir”.

Nazir qeyd edib ki, 2022-ci ilin əvvəlindən İranın bölgədəki mülki və iqtisadi hədəflərə qarşı pilotsuz təyyarələr və yer-yer tipli raketlər kimi qabaqcıl silahlardan istifadə etməklə hücumları da daxil olmaqla, zorakılıq fəaliyyətində kəskin artım müşahidə olunub.

Nazirin sözlərinə görə, İran regionda böyük terror gücü formalaşdırır və bu məqsədlə Suriyadakı obyektlərdən istifadə edir. 
 
 
 

# 1950
avatar

Oxşar yazılar