Bu ölkədə COVİD-19 pasportları məsələsi səsverməyə çıxarılır – DÜNYADA İLK

Bu gün İsveçrədə vaksin sertifikatları ilə bağlı referendum keçiriləcək.

Lent.az-ın xəbərinə görə, referenduma cəmi 1 məsələ çıxarılıb: “Siz Federasiya Şurasının 19 mart 2021-ci ildə qəbul etdiyi Covid-19 qanununun dəyişdirilməsinə razısınızmı?”

İsveçrə analoji səsverməni həyata keçirən ilk ölkədir. Fransızdilli medianın məlumatına görə, bu referendum vaksin əleyhdarı olan 3 QHT tərəfindən gündəmə gətirilib və kifayət qədər tərəfdaş toplaya bilib. Onların başlıca tələbi vaksin sertifikatlarının (Covid-19 pasportu) ləğv edilməsidir.

Ekspertlərin fikrincə, əhali təklifin lehinə səs versə belə, bunun ciddi əhəmiyyəti olmayacaq. Vaksin sertifikatı ölkə daxilində ləğv olunsa belə, ölkəni tərk edərkən bu sənəd hələ azı 1 il lazım olacaq.