Yaxın iki həftə ərzində Aralıq dənizi regionunda havanın temperaturu orta hesabla normadan 1-5 dərəcə yüksək olacaq.
Lent.az-ın TASS agentliyinə istinadən verdiyi xəbərə görə, belə bir proqnozu cümə axşamı Cenevrədə BMT-nin Ümumdünya Meteorologiya Təşkilatı (WMO) açıqlayıb.
"Gündəlik ən yüksək temperatur bir çox yerlərdə tez-tez 35-40 dərəcəni keçəcək, Yaxın Şərq və Türkiyənin cənub-şərqində bəzi yerlərdə 45 dərəcəyə qədər yüksələcək. Çox güman ki, bu cür hava şəraiti avqust ayında da davam edəcək”, - təşkilatın açıqlamasında deyilir.
Meteoroloqlar bununla bağlı günvurma və meşə yanğınları riskinin artması ilə bağlı xəbərdarlıq ediblər.
Aralıq dənizinin səthində temperatur da yaxın günlərdə və həftələrdə müstəsna dərəcədə yüksək olacaq, bəzi ərazilərdə 30 dərəcəni keçəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
