Araq almağa pul verməyən  qardaşı qızına  bıçaq çəkdi
23 fevral 2023 15:22 (UTC +04:00)

Araq almağa pul verməyən qardaşı qızına bıçaq çəkdi

Rusiyanın Kursk vilayətində 17 yaşlı qardaşı qızını bıçaqla öldürməklə hədələyən 47 yaşlı yerli sakin mühakimə olunub.

Lent.az yerli mediaya istinadən xəbər verir ki, hadisə ötən ilin sentyabrında Roqoztsı kəndində baş verib. İstintaq müəyyən edib ki, sərxoş kişi azyaşlı qohumu ona spirtli içki (araq) pulu verməkdən imtina etdiyi üçün onunla mübahisə edib. Mübahisə zamanı kişi bıçağı götürərək qıza tərəf tutub və onu öldürəcəyini deyib.

Hüquq-mühafizə orqanlarının əməkdaşları həmçinin müəyyən ediblər ki, o, 2022-ci ilin dekabrında içkili yoldaşından 6 min rubl oğurlayıb.

Məhkəmədə təqsirləndirilən şəxs günahını etiraf edib və peşman olduğunu bildirib.

Həmin şəxsə 320 saat icbari iş növündə cəza çəkmək qərarı verilib.

# 2262
avatar

Oxşar yazılar