Almaniyada  dövlət çevrilişi   PLANI: Polisdən genişmiqyaslı xüsusi əməliyyat 
07 dekabr 2022 12:31 (UTC +04:00)

Almaniyada dövlət çevrilişi PLANI: Polisdən genişmiqyaslı xüsusi əməliyyat 

Almaniyada polis Bundestaqı ələ keçirməyi və dövlət çevrilişi etməyi planlaşdıran sağçı ekstremistlərə qarşı genişmiqyaslı əməliyyat keçirir. 

Lent.az  xəbər verir ki, bu barədə “Spiegel” jurnalı mənbələrə istinadən məlumat yayıb.

Xüsusi təyinatlıların 11 federal ştatda eyni vaxtda fəaliyyət göstərdiyi bildirilir. Almaniya Baş Prokurorunun və kriminal polisin federal idarəsinin tapşırığı ilə ya sağçı terror təşkilatının üzvü olan, ya da onu dəstəkləyən 25 kişi və qadın saxlanılıb. 130-dan çox evdə, ofisdə və digər binalarda axtarışlar aparılıb və hələ də davam edir.

Polisin məlumatına görə, şübhəlilər, xüsusilə, “Bundestaqa silahlı basqın və siyasətçilərin saxlanmasını” planlaşdırıblar. Güman edilirdi ki, təhlükəsizlik qüvvələrinin bəziləri terror qruplaşması ilə həmrəylik nümayiş etdirəcək və bu, “çevriliş”ə səbəb ola biləcəkdi.

Almaniya Baş Prokurorluğu ölkədə dövlət çevrilişinə hazırlıqda şübhəli bilinərək saxlanılanlar arasında Rusiya vətəndaşının da olduğunu bildirib.

# 2406
avatar

Oxşar yazılar