Koronavirusun yayılması riski ilə əlaqədar Gürcüstanın Tbilisi, Rustavi, Batumi və Kutaisi kimi böyük şəhərlərində hər növ nəqliyyat vasitəsinin hərəkəti 10 gün müddətinə qadağan edilib.
APA-nın yerli bürosu xəbər verir ki, müvafiq qərar Gürcüstan höküməti tərəfindən qəbul edilib. Məhdudiyyətin 15 aprel saat 21:00-dan etibarən tətbiq ediləcəyi bildirilib.
Gürcüstanın Baş Naziri Giorgi Qaxaria bildirib ki, ölkədə koronavirus riskinə görə elan edilmiş fövqəladə vəziyyət rejimi mayın 10-dək uzadılır: "Biz fövqəladə vəziyyət rejiminin mayın 10-dək uzadılması üçün Prezidenti ölkə parlamentinə müraciət etməyə çağırırıq”, - deyə Baş Nazir açıqlamasında bildirib.
Qeyd edək ki, qonşu ölkədə martın 21-də elan edilən fövqəladə vəziyyət aprelin 30-da başa çatmalı idi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
